«Биология» бағыты бойынша Республикалық студенттік пәндік олимпиаданың II кезеңі аяқталды. Ол М.Өтемісов атындағы Батыс Қазақстан университетінің базасында онлайн форматта өтті. Оған Қазақстанның жоғары оқу орындарының 13 командасы қатысты. Университетішілік кезеңде үшінші курс студенттері Дәурен Салықов пен Анна Лобикова біздің оқу ордамыздың намысын қорғады.
Байқауға қатысушыларға биология пәні бойынша тест сұрақтары мен тапсырмаларға жауап беру, барлық тәжірибеге бағытталған тапсырмалардан өту және ұсынылған тақырып бойынша күнтізбелік-тақырыптық жоспар құру қажет болды. Бақылау жүйесі қатысушылардың барлық әрекеттерін қатаң қадағалады.
Қорытынды бойынша біздің университет командасы олимпиаданың қола жүлдегерлері атанды! Сондай-ақ, жеке есепте III дәрежелі диплом Анна Лобиковаға берілді! Ғылыми жетекшісі «Биология» кафедрасының аға оқытушысы Константин Жадан. Құттықтаймыз!!!