Мемлекеттік білім беру тапсырысы бойынша байқауға қатысу

М.Қозыбаев атындағы Солтүстік Қазақстан мемлекеттік университетіне қабылдау бойынша Жалпы ережелерге сәйкес талапкер өтінішінде білім грантын алуға таңдаған мамандығы бойынша білім гранттары бар жоғары оқу орнын көрсетеді. Таңдау пәні сәйкес келген жағдайда талапкерлер 4 мамандықты таңдай алады.

Солтүстік Қазақстандық талапкерлер таңдау кезінде 1-4 мамандықты көрсете алады. Тек міндетті түрде М.Қозыбаев атындағы Солтүстік Қазақстан мемлекеттік университетінің 040 кодын көрсету қажет.

Білім беру грантын алу байқауына қатысу үшін өтініштер 2014 жылдың 23-31 шілдесі аралығында қабылданады.  

Байқауға қатысу үшін кешенді тестілеудің және ҰБТ қорытындысы бойынша 50 ұпайдан, сонымен қатар, таңдау пәні бойынша 7 ұпайдан (әр шығармашылық емтихан 10 ұпайдан төмен емес) кем болмауы тиіс.

Білім беру грантын алу байқауына қатысуға бекітілген жеңілдіктер (жетім және ата-ана қамқорлығысыз қалған балалар, І және ІІ топ мүгедектері, соғысқа қатысқан және соғыс мүгедектеріне теңестірілген жеңілдіктері барлар, бала кезінен мүгедектерге, Қазақстан Республикасының азаматы болып табылмайтын қазақ ұлтының өкілдеріне) өтініш түскен мамандықтардың барлығына сақталады.