Областная олимпиада по фармацевтическим дисциплинам

2026 жылғы 24 ақпанда Жұмағали Тлеулин атындағы Солтүстік Қазақстан жоғары медицина колледжі КГУ «СҚО әкімдігінің денсаулық сақтау басқармасы» базасында «Фармация» мамандығы студенттері арасында фармацевтикалық пәндер бойынша облыстық олимпиада өтті.

Олимпиада 2025–2026 оқу жылына арналған бекітілген жұмыс жоспарына сәйкес ұйымдастырылып, болашақ фармацевтердің кәсіби және базалық құзыреттерін дамытуға, арнайы пәндерге деген қызығушылығын арттыруға, практикалық дағдыларын жетілдіруге және фармацевтикалық ойлау қабілетін дамытуға бағытталды.

Іс-шараға 09160100 «Фармация» мамандығының 4S09160101 «Фармацевт» біліктілігі бойынша III курс студенттері, сондай-ақ Манаш Қозыбаев атындағы Солтүстік Қазақстан университеті медицина факультетінің «Іргелі медицина» кафедрасының III курс білім алушылары қатысты. Әр білім беру ұйымынан бес студенттен артық қатысушы жіберілмеді. Өтінімдер 2026 жылғы 22 ақпанға дейін қабылданды.

Олимпиада Online Test Pad платформасын пайдалана отырып, гибридті форматта өткізілді.

Байқау бағдарламасы үш кезеңнен тұрды:

I кезең – тестілеу
Қатысушылар жалпы және бейорганикалық химия, органикалық химия және аналитикалық химия пәндері бойынша 20 тест сұрағына жауап берді. Ең жоғары балл – 20.

II кезең – Солтүстік Қазақстан облысының дәрілік өсімдіктерін анықтау
Студенттерге дәрілік өсімдіктердің суреттері ұсынылып, олардың атауын және латынша дұрыс нұсқасын анықтау тапсырылды. Ең жоғары балл – 10.

III кезең – жағдаяттық тапсырманы шешу
Қатысушылар кәсіби білімдерін тәжірибеде қолдана отырып, тиісті дәрілік өсімдікті таңдап, шикізат пен өсімдіктің латынша атауын көрсетуі, негізгі әсер етуші заттарды атауы, әсер ету механизмін негіздеуі және қолдану түрін ұсынуы қажет болды. Ең жоғары балл – 50.

Жалпы балл саны – 80, тапсырмаларды орындау уақыты – 55 минут.

Олимпиада қорытындысы бойынша қатысушылардың жинаған ұпайлары негізінде рейтинг қалыптастырылды. I, II және III орын иегерлері тиісті дәрежедегі дипломдармен марапатталды, ал жүлделі орын алмаған қатысушыларға сертификаттар табысталды. Қорытынды нәтижелер 2026 жылғы 2 наурызға дейін колледждің ресми сайтында жарияланады.

Облыстық олимпиаданы өткізу өңірдегі оқу орындары арасында тәжірибе алмасуға мүмкіндік беріп, фармацевтика саласының білікті әрі ынталы болашақ мамандарын анықтауға жол ашты.