Жас ғалымдар кеңесі ғылыми Start-up жобалар байқауын өткізуді жариялайды

М. Қозыбаев атындағы СҚУ Жас ғалымдар кеңесі ғылыми Start-up жобалар конкурсын өткізеді.

Байқаудың мақсаты: «М. Қозыбаев атындағы СҚУ» КеАҚ білім алушылары қатарындағы жас зерттеушілерді ғылыми-зерттеу қызметінің нәтижесіне негізделген инновациялық жобаларды іске асыру арқылы қолдау.

Байқауға қатысушылар: конкурс жеңімпаздарының конкурстан кейінгі кезеңде міндеттемелерге ие болуына байланысты, конкурсқа бакалавриаттың 1-3 курс студенттері және 1-курс магистранттары (бітіру курстары емес) жіберіледі.

Байқауды өткізу жоспары: байқау екі кезеңде: сырттай форматта (жартылай финалдық кезең) 2023 жылғы 16-19 мамырда және офлайн режимде (финалдық кезең) 2023 жылғы 23 мамырда № 1 оқу корпусының №115 аудиториясында өтеді.

Байқау кезеңдері: 

1. Байқауды жариялау, ілеспе құжаттаманы ақпараттық ресурстарға 24.04.2023 ж. кешіктірмей орналастыру.
2. Байқауға қатысушылардан өтінімдер жинау: 24.04.2023 ж. - 15.05.2023 ж.
3. Байқауға қатысушыларды іріктеу (жартылай финал, сырттай): 16.05.2023 ж. - 19.05.2023 ж.
4. Байқаудың ақтық кезеңі (оффлайн формат): 23.05.2023 ж.
5. Байқау жеңімпаздарын марапаттау: 26.05.2023 ж. кешіктірмей.

Байқаудың бюджеті: жеңімпаздарға 54000 (конкурстың жалпы бюджеті салықтарды ескере отырып, 270000 құрайды) теңге мөлшерінде ақшалай сыйлықтар бөлінеді.

Ғылыми Start-up жобалар конкурсының ережесі

Ғылыми Start-up жобалар байқауының ақпараттық хаты