Республикалық комиссияның шешімімен М.Қозыбаев атындағы Солтүстік Қазақстан университетінің Басқарма Төрағасы – Ректор қызметіне Ербол Исақаев тағайындалды.
Бүгін ҚР Ғылым және жоғары білім вице-министрі Талғат Ешенқұлов университет ұжымына жаңа басшыны таныстырды.
Ербол Маратұлын әріптестері жақсы таниды. Біздің ЖОО-да 4 жыл қызмет етті. Оқу ісі жөніндегі проректор, бірінші проректор, ректор м.а., одан кейін Басқарма Төрағасы – Ректор. Өзін тәжірибелі басшы ретінде көрсетті. Оның басшылығымен университет коронавирустық пандемиямен байланысты қиындықтарды сәтті еңсерді. Ербол Исақаевтың жетекшілігімен басым бағыттар бойынша 33 бакалавриат және магистратура бағдарламалары, 8 замануи инновациялық зертханалар, 4 бағдарламадан диссертациялық кеңестер ашылды. Біздің университет «Атамекен» рейтингі бойынша Қазақстан Республикасының үздік үш жоғары оқу орындарының қатарына енді және ТМД елдерінің желілік университетінің мүшесі болды. Қозыбаев университетінің жаңа корпоративтік стиліне көшу жүзеге асырылды.
Ербол Исақаев- Алматы облысының тумасы, 1977 жылы 21 қарашада Ұзын-Ағаш ауылында дүниеге келген. Екі жоғары білімі бар, биология ғылымдарының кандидаты. Еңбек жолында факультетте лаборант, оқытушы, доцент, орынбасар, кейін декан болып жұмыс істеді. Үш университетте проректор қызметін атқарды. 2021-2024 жылдары А.Байтұрсынов атындағы Қостанай өңірлік университетінің оқу ісі жөніндегі Басқарма мүшесі проректоры лауазымында еңбек етті.
Оның жоғары білім саласында мол тәжірибесі бар,16 жылдан астам уақытын басшылық қызметке арнады. Алда оқу-тәрбие, ғылыми және әлеуметтік-тәрбие үдерістерін жетілдіру бойынша ауқымды жұмыстар күтіп тұр.