ЖОО-да түлектерді алдын ала үлестіру үдерісі өткізілді

Биыл СҚМУ-дың 740 студенті жоғары білімі туралы диплом алады. Оның 325-і - педагогикалық бағыттың мамандары. Алдын ала үлестіру жұмысын сазды-педагогикалық факультеттен бастады. Қазіргі таңда 3 мамандықтың түлектері жұмысқа орналасқан: Бастауышта оқытудың педагогикасы мен әдістемесі (бұл мамандық бойынша түлектердің 100%-ы жұмысқа орналасқан), Мектепке дейінгі оқыту және тәрбиелеу және Әлеуметтік педагогика және өзін-өзі тану.

Алдын ала үлестіру бойынша бірінші болып ауылдық квота бойынша білім алған түлектерге жұмыс орындары ұсынылды. Келісімшартқа сәйкес осы категорияның түлектері 3 жыл ауылдық жерде жұмыс істеуі тиіс. Мемлекеттік тапсырыс бойынша білім алған түлектердің бірқатары да жұмысқа орналастырылды.

Алдын ала үлестіру іс-шарасы университетімізде өткен аптада өткен бос қызмет орындарының жәрмеңкесінің жалғасы болып 20 мамырға дейін созылды. Бұл іс-шараға СҚО Білім басқармасының мамандары да қатысты.  

Қазіргі уақытта педагогтерге Солтүстік Қазақстанның еңбек нарығы 400-ге жуық бос қызмет орнын ұсынып отыр. Бұл - қалалық және аудандық мектептерде жұмыс істеу. Соңғы деректер бойынша, сазды-педагогикалық факультеттің педагогикалық мамандықтарының 60-қа жуық түлегі дипломмен ауылға жұмыс істеуге барады.