"Мені шыңдаған - Серпін" кәсіби-шеберлік байқауы

Мәңгілік ел жастары индустрияға"Серпін" әлеуметтік жобасы аясында елімізде қараша айының 9-жұлдызында алғашқы рет өткізіліп отырған "Мені шыңдаған - Серпін" кәсіби-шеберлік байқауы қасиетті Қызылжардың қойнауында орналасқан ең үздік оқу орны М.Қозыбаев атындағы Солтүстік Қазақстан Мемлекеттік университетінде болып өтті. Аталмыш шараға Қазақстанның 7 облысынан келген "Серпін" бағдарламасы аясында білім алып жатқан үздік студенттер қатысты. Ашылу салтанаты университеттің 1- оқу ғимаратының акт залында болып өтті. Концерттік бағдарлама облысымызға белгілі өнер адамдарының қатысуымен өтті. Салтанатты шара байқауға қатысушыларды өз бағыттары бойынша бөлініп, сайысқа түсуге ұласты.

Байқауға:

• Жәңгірхан атындағы Аграрлық техникалық университеті 
• Атырау мұнай және газ университеті
• С.Аманжолов атындағы ШҚ мемлекеттік университеті
• Семей қ.,Шәкәрім атындағы мемлекеттік университеті
• Қазақ инновациялық гуманитарлық заң университеті
• Д.Серікбаев атындағы ШҚ мемлекеттік техникалық университеті
• Қарағанды мемлекеттік техникалық университеті
• Е.А.Бөкетов атындағы Қарағанды мемлекеттік университеті
• С.Торайғыров атындағы Павлодар мемлекеттік университеті
• Ахмет Байтұрсынов атындағы ҚМУ
• Ы.Алтынсарин атындағы Арқалық мемлекеттік педагогикалық институты
• Шоқан Уалиханов атындағы Көкшетау мемлекеттік университеті
• М.Қозыбаев атындағы Солтүстік Қазақстан мемлекеттік университеті қатысты

 "Мал шаруашылығы өнімдерін өндіру технологиясы", "Ақпараттық жүйелер", "Аспап жасау", "Радиотехника, электроника және телекоммуникация", "Азық-түлік өнімдерін өндіру технологиясы" мамандықтары бойынша сайысқа түсті.

Университетіміздің намысын қорғап, өз білімдерін дәлелдеген біздің мақтаныштарымызбен таныс болыңыздар:

• "Радиотехника, электроника және телекоммуникация" құзіреттілігі бойынша ИТФ РЭТ-15-1к тобының студенті Көптай Нұрсұлтан I орын иегері атанды. Кәсіби жетекшісі:Молдахметов Саят Сайранұлы
• "Аспап жасау" құзіреттілігі бойынша Бауыржанова Айжан ИТФ ПР-16к тобының студенті II орын иегері атанды . Кәсіби жетекшісі: Молдахметов Саят Сайранұлы
• "Ақпараттық жүйелер" құзіреттілігі бойынша ФИТ ИС-15-2к тобының студенті Маханова Айсұлу ІІ орын иегеріатанды. Кәсіби жетекшісі: Касимов Ильдар Романович
• "Азық-түлік өнімдерін өндіру технологиясы" құзіреттілігі бойынша ФЕСН ТПП-15к тобының студенті Асылбекова Биязы ІІІ орын иегері атанды. 
• "Мал шаруашылығы өнімдерін өндіру технологиясы" құзіреттілігі бойынша ФЕСН факультеті ТППЖ-16к тобының студенті Данаева Акжан І орын иегері атанды.

"Мені шыңдаған Серпін " кәсіби шеберлік байқауы. Байқауда еліміздің 7 облысынан келген білімді әрі белсенді Серпіндік студенттер сайысқа түсті . Университет ректоры Өмірбаев Серік Мәуленұлы бастаған топ әрқашан елеулі жетістік пен игі істердің бастауында келеді. Университеттің тәрбие жұмысы және әлеуметтік мәселелер жөніндегі проректоры Кудерина Айжан Ермекқызы және тәрбие жұмысы жөніндегі департаментінің директоры Дүйсенбаева Бибігүл Амангелдіқызымен оқу орнымызда "Серпін " әлеуметтік жобасы аясында білім алып жатқан факультет Сардарлары Мығымбаева Әсел Мешітбекқызы (ИТФ), Жанаева Нұрай Жанайқызы (ПФ) университет Сардары Хайрушева Карина Серікқызы және белсенді студенттермен күш біріктіре отырып Республикалық байқауды жоғары деңгейде ұйымдастырды. Жабылу салтанаты Н.Погодин атындағы орыс драма театрында болып өтті. Сайысқа түсіп жеңімпаз болған қатысушылар дипломдармен және бағалы сыйлықтармен марапатталды.