2018 жылдың 26-27 қараша күндері М.Қозыбаев атындағы СҚМУ-да «Рапстың қарқынды өсудегі өсімдіктерді қорғау стратегиясы» тақырыбында семинар өтті.
Шараны Қазақстандағы ауыл шаруашылығы саласын зерттейтін «DAZ НемАЦ» (Ақмола облысы, Чаглинка ауылы) неміс аграрлық орталығы ұйымдастырып отыр. Семинарда Канада елінен келген тәжірибелі референт Джон Герер сөз сөйледі. Жиынға облысымыздың жалпы саны 70-ке жуық фермерлері мен тауар өндірушілері қатысты. Сонымен қоса, семинарға агро-техникалық факультеттің магистранттары мен студенттері де ат салысты.
Шара барысында қатысушылар тәжірибелерімен бөлісті. Сонымен қоса, кездесуде жұмыс берушілермен байланыс орнату және студенттерді жұмысқа орналастыру мәселелері талқыланды. Семинар соңында қатысушыларға халықаралық стандарттағы сертификат берілді. Аталмыш шетелдік орталықпен М.Қозыбаев атындағы СҚМУ-дың агротехнологиялық факультеті бес жылдан астам уақыт бойы жемісті ынтымақтастық қарым-қатынас орнатуда.
