СҚО-да кешенді этнографиялық экспедицияның жұмысы жалғасуда

М. Қозыбаев атындағы СҚМУ студенттері Ұлттық музейдің этнографиялық экспедициясы құрамында Солтүстік Қазақстанның материалдық емес қазақ мәдениетін зерттеуде. Бұл уақыт мерзімінде өнер, фольклор, наным-сенімдер, дәстүрлі тағам сияқты көптеген қызықты жаңашылдықтарды білу мүмкін болды. Студенттер қазақ қонақжайлылығының барлық байлығын сезініп, тағамдардан дәм алды, еліміздің солтүстік өңіріндегі қазақ асына тән рецептурамен танысты.

Халық шеберлері жастармен киіз, жүн, терімен жұмыс істеу құпияларын үлкен ықыласпен бөлісті. Ұлттық стильде әшекейлер жасайтын зергерлік шеберге бару танымдық болды. Бұл дағдылар ұрпақтан ұрпаққа беріліп, ежелгі заманнан бүгінгі күнге дейін халық өнерін дамытудың үздіксіз жолын байқауға мүмкіндік береді.

"Біз студенттердің мәдениет тасымалдаушылармен қалай дұрыс жұмыс істеуге, алынған ақпаратты қалай тіркеуге және оны объективті бағалауға үйретуге тырысамыз... тарих, мәдениет, халық дәстүрі мен кәсіпшілігін зерттеу, қазақ мәдениетін дәріптеу, өскелең ұрпақтың бойында қазақстандық азаматтық бірегейлікті және еліміздің этномәдени әралуандылығын зерттеуге қызығушылықты қалыптастыру – міне біздің мақсатымыз", - деп атап өтті дала экспедициясының жетекшісі, ҚР Ұлттық музейінің жетекші ғылыми қызметкері Әйгерім Мұсағажинова.

Естеріңізге сала кетейік, сапар Уәлиханов ауданының ауылдарынан басталып, бір топ ғалымдар СҚО Есіл ауданына аттанады.

25.06.2019