8 қарашада «Өрлеу» біліктілікті арттыру Ұлттық орталығы өткізген «Педагогикалық идеялар панорама» атты Республикалық бейне сабақтар мен бейне дәрістер байқауының облыстық кезеңінің жеңімпаздары мен жүлдегерлерін марапаттау рәсімі өтті.
«Университеттің профессорлық-оқытушылық құрамы» аталымында біздің университеттің құрметті оқытушылары Айнұр Бекмурзина (ПФ) үшінші дәрежелі дипломмен, Назым Уалиева (ПФ)- екінші дәрежелі дипломмен марапатталды. ТЖӘИ «Шет тілдер» кафедрасының аға оқытушысы Наталья Шевелева конкурстың жеңімпазы атанды.
Әрі қарай жеңімпаздардың бейне материалдары конкурстың республикалық кезеңіне жіберіледі. Олардың ішіндегі ең жақсылары «Өрлеу» ұстаздардың үздіксіз білім беру ұлттық порталындағы бейне сабақтар мен бейне дәрістер Банкіне қосылады.
