Білім ордамыздың қабырғасында украин мәдениеті күні тойланды

Оқу жылының басынан бастап білім ордамызда Қазақстан халқы Ассамблеясы кафедрасы университет студенттері мен оқытушыларын елімізде тұратын этностардың мәдениетімен таныстыруда.  Яғни, әр халықтың мәдениетімен таныстырып,дәріптейді. Осы аптадан бастап украиндықтардың салт-дәстүріне, шығармашылығына және ұлттық тағамдарына арналған шаралар басталды.

Университетіміздің екінші ғимараттың фойесінде бұл мереке қызықты өтті. Сонымен қоса  М.Жұмабаев ауданының өкілдері қонақтарды ұлттық киімдерімен күтіп алды: түрлі-түсті кесте киген ер адамдар, бастарында дәстүрлі гүл шоқтары бар қыздар. Көрмеге ағаштан және саздан жасалған ыдыс-аяқтар, ұлттық суреттер, көне иірілген дөңгелектер, өрілген сүлгілер, жастықтар және басқа да тұрмыстық заттар ұсынылды. Жиылған көрермендер украин халқының дәстүрлер туралы әңгімелесіп,мерекеге бірге ат салысты . А.Кокориннің шығармашылық ұжымымен бірге студенттер би билеп, танымал украин әндерін орындады. Ойын-сауық бағдарламасынан басқа, келушілерді жағымды тосынсый күтіп тұрды - үстелдерде хош иісті украин тағамдары болды.

 

11.03.2020