Қозыбаев университетінің үш оқытушысына ҚР БҒМ Білім және ғылым саласында сапаны қамтамасыз ету комитеті "Қауымдастырылған профессор" ғылыми атағын берді.
«Машина жасау және машинатану» мамандығы - "Көлік және машина жасау" кафедрасының меңгерушісі, т.ғ.к, доцент Виталий Савинкинге берілді. «Аспап жасау, метрология және ақпараттық өлшеу аспаптары мен жүйелері» мамандығы бойынша "Энергетика және радиоэлектроника" кафедрасының доценті, т.ғ.к Алексей Савостинге.
"Радиотехника және байланыс" мамандығы бойынша "Энергетика және радиоэлектроника" кафедрасының доценті, т.ғ.к Дмитрий Риттерге.
Қауымдастырылған профессор атағы ғылыми және білім беру қызметі саласындағы жетістіктері: монографиялар немесе оқу құралдарын жазғаны, Томсон Рейтер компаниясының ақпараттық базасының деректері бойынша нөлдік емес импакт-факторы бар халықаралық ғылыми журналдардағы жарияланымдары, сондай-ақ БҒССҚЕК ұсынған басылымдарда кемінде 10 ғылыми мақаласы үшін беріледі.
