Жоғары оқу орнына қабылдау

Ақылы негізде оқуға ҰБТ/ТКТ нәтижелері бойынша кемінде 50 балл, оның ішінде бейінді пән бойынша кемінде 7 балл, ал басқа пәндер бойынша кемінде 4 балл жинаған талапкерлер қабылданады.

Студенттер қатарына қабылдауды жоғары оқу орындарының қабылдау комиссиялары 10-28 тамыз аралығында өткізеді.

Қабылдау үшін қажетті құжаттар тізімі:

  • жалпы орта (орта жалпы) немесе техникалық және кәсіптік (бастауыш немесе орта кәсіптік, орта білімнен кейінгі) білімі туралы құжат (түпнұсқа);
  • 3x4 көлеміндегі 6 фотосурет;
  • 086-У нысанындағы медициналық анықтама;
  • ҰБТ немесе кешенді тестілеу сертификаты;
  • білім беру грантын тағайындау туралы куәлік (бар болса).

Техникалық және кәсіптік, орта білімнен кейінгі білімнің білім беру бағдарламаларын іске асыратын білім беру ұйымдарының білім туралы құжаттары бар, біліктілігін растаған және мамандығы бойынша кемінде бір жыл жұмыс өтілі бар адамдар қосымша мына құжаттардың біреуін тапсырады:

  • еңбек кітапшасы;
  • жұмыс беруші қол қойған, ұйымның мөрімен расталған қызметтік тізім (жұмыскердің жұмысы, еңбек қызметі туралы мәліметтер тізбесі) (болған кезде);
  • жұмыскердің еңбек қызметі туралы мәліметтер қамтылған архивтік анықтама.