Serpin Way алғашқы аялдамасы Жамбыл облысындағы Мойынқұм а. болды. Дәл осы жерде ауқымды кәсіптік бағдар беру науқаны басталды. 300-ден астам оқушы, олардың ата-аналары мен мұғалімдері Қозыбаев университетіндегі дайындық бағдарламалары туралы толық ақпарат алды. Елдімекен алаңында талантты студенттеріміз бен ЖОО-ның шығармашылық ұжымы өнер көрсетті. Сондай-ақ, іс-шараға қатысушылар университет бойынша үлестірме материалдар алды.
Оқушыларға Қозыбаев университетінің білім беру бағдарламалары, «Серпін» бағдарламасы бойынша оқуға түсетін білім алушыларды қолдау, гранттар беру, заманауи жатақханалармен қамтамасыз ету, Аризона университетімен қос дипломды бағдарламалар туралы ақпарат берілді. Мойынқұм ауданының әкімдігіне жылы қарсы алғандары үшін алғыс айтамыз! Алдағы уақытта сіздердің түлектеріңізді Қозыбаев университетінде күтеміз!
