Көктемнің көркімен үндескен байқау барлық сұлуларды бір арнада тоғыстырды. Педагогикалық факультеттің студент қыздары арасында «Қыздарға әсемдік жарасады» атты сұлулық пен шығармашылық кеші өтті. Сайысқа қатысушылардың әсемдігін сөзбен жеткізу мүмкін емес. Қатысқан 9 бойжеткен көктем аруы атағына лайық болды.
Байқау дайындық, негізгі және қорытынды 3 кезеңді қамтыды. Нәзікжандылар негізгі кезеңде 5 талапқа сай шеберліктерін көрсетті. Интеллектуалды сынақта қыздардың білім мен тапқырлықтары тексерілді. Шығармашылық кезеңінде өнерлерін паш етіп, сән үлгісінде өздерінің сенімділігі мен киім үлгілерін көрсете алды. Соңында қазылар алқасына үйде дайындалған тағамдарын ұсынды.Кеш нәзіктік пен шабыттың мерекесіне айналды.Әрбір ару өздерін танытып, сахна мәдениетін, эстетикалық талғамын жеткізе білді. Көрермендер қатысушылардың жасаған тағамдарына, өздері жобалаған киім үлгілеріне тәнті болды. Назарларыңызға сайыс нәтижесінде анықталған жеңімпазды ұсынамыз: бас жүлде иегері- Арнайы педагогика мамандығының 3 курс студенті Аружан Бауыржан.
