Спортшымызды жеңіл атлетикадан халықаралық жарыстардағы жоғары нәтижесімен шын жүректен құттықтаймыз!⠀Ғұсман Қосановты еске алуға арналған халықаралық турнир Алматыдағы, Олимпиадалық дайындық орталығында өтті. Биылғы жылы жарысқа әлемнің 17 елінен Қазақстан, Қырғызстан, Өзбекстан, Түркия, Үндістан және т.б 200-ден астам мықты спортшылары қатысты.⠀
Турнир World Athletics Continental Tour Bronze Level беделді сериясына кіреді және ірі халықаралық — Азия, Әлем чемпионаттары мен Олимпиада ойындарына дайындықтың маңызды кезеңі болып саналады.⠀
Қазақстан құрамасында Қозыбаев университетінің түлегі Никита Изотов лайықты өнер көрсетіп, 800 метр қашықтықта 1:53,97сек. көрсеткішпен қола жүлдені жеңіп алды. Бұл нәтиже- табандылықтың, еңбекқорлықтың және жоғары дайындықтың дәлелі.
Жоғары оқу орнымыздың түлектері оқу мен ғылымда биік белестерді бағындырып, халықаралық аренада лайықты өнер көрсетіп келеді. Никита Изотов спорт жолында қарқынды дамуды жалғастырады.
