Қозыбаев университетінде 1021 талапкер білім грантына ие болды

2025 жылы Қозыбаев университетінде білім гранттарын тағайындау конкурсы бойынша 5797 өтініш қабылданып, 1021 талапкерге мемлекет есебінен оқу ақысы тағайындалды. Былтыр 1139 үміткерге грант бөлінсе, биыл көрсеткіш айтарлықтай өсті.

Мемлекеттік қолдауды ерекше қажеттіліктері бар 22 азамат және әскери борышын өтеген 28 жас жігіт алды. Ең алдымен техникалық және ауылшаруашылық бағдарламаларын таңдады. Биылғы ең жоғары өту балы 130 болды.

Үміткерлер университеттің кең мүмкіндіктеріне қол жеткізе алады. Оларға запастағы сержант пен запастағы лейтенант бағдарламаларымен әскери кафедрада оқу, жатақханада тұру және Аризона университетімен бірлесіп ұсынылатын қос дипломдық бағдарламаларға қатысу кіреді.

Биылғы жылы қабылданған студенттер Қазақстанның 19 аймағын, сондай-ақ Қытайдан, АҚШ-тан және Моңғолиядан келген шетелдік студенттерді қамтиды. Қозыбаев университеті студенттерге дуальды білім беру жүйесі мен академиялық ұтқырлық, халықаралық тағылымдамадан өту мүмкіндіктерін ұсынады.

Қабылдау комиссиясы күнделікті жұмысын жалғастырады. Бакалавриатқа қабылдау 25 тамызға дейін, магистратура мен докторантураға 28 тамызға дейін жүргізіледі.