Армандар орындалады: зейнеткер Нурия Бикметова университетке қабылданды

Қозыбаев университетінің тарихында алғаш рет кезектен тыс студент оқуға түсті. Нурия Бикметова – зейнеткер, кәсіби медиатор. Ол университеттің «Құқықтану» бағдарламасы бойынша білім алады. Ұлттық бірыңғай тестілеуді (ҰБТ) тапсырмай-ақ, дуальды жүйе бойынша күндізгі бөлімге оқуға түсті. Нурияның жоғары білім дәрежесі бар болғандықтан, ақылы бағдарламаның үшінші курсына тікелей оқуға түсті.

« Мен кәсіби медиатормын. Білімімді Қазақстан заңдарын білу арқылы бекіткім келді. Дәлдік пен жауапкершілікті жоғары бағалаймын. Негізі Ресейдегі университеттердің біріне онлайн оқуға түсуді жоспарлап едім. Бірақ мен Қозыбаев университетін таңдадым. Жергілікті университет болғандықтан, мені бірден қызықтырды. Барлық сабақтар мен дәрістерге қатысамын. Мен үшін диплом емес, оқу процесі мен білім алу маңызды», - дейді Нурия Бикметова.

Алғашқы күні оны Басқарма Төрағасы – Ректор Ербол Исақаев жеке қарсы алды. Ресми кездесуде университеттің жеке маркалы сыйлықтары табысталып, барлық қажетті кеңестер берілді.

«Бүгін біз Нұрия Қадырқызын студенттер қатарына қабылдадық. Ол өмірге белсенді көзқараспен қарайды. Бүгінде медиатор маманы болып жұмыс істейді. Сондықтан осындай студентті қабырғамызда қарсы алу біз үшін үлкен мәртебе. Сіз аға-буын өкілдеріне тамаша үлгі көрсеттіңіз. Менің ойымша адам баласы өмір бойы жаңа білім мен дағдыларды меңгеріп, жаңа дағдыларды дамыта алады »,-деді Ректор Ербол Исақаев.

Нурия Бикметова Киров атындағы зауытта, жылу желілерінде еңбек етті. Жоғары және орта кәсіптік білімі бар. Қала әкімшілігінде медиатор ретінде тіркелген. 2021 жылы кәсіби медиация курстарын аяқтады. Енді оның өмірінде жаңа тарау басталды! Нурия Қадырқызын шәкірттер қатарына шақырамыз! Оқуыңызға сәттілік тілейміз!