Аризона университетінің профессорлары Raduga KDR-да

Қозыбаев университетінің ғалымдары американдық зерттеушілер Чарльз Герба және Ирина Панюшкинамен бірге Raduga KDR-да болды. Қонақтар серіктестіктің негізгі өндірісімен де, заманауи жылыжай кешенімен танысты.

Raduga KDR – 1993 жылы құрылған. Қазақстанның 12 қаласында филиалдары бар, азық-түлік өнімдерін, тұрмыстық тауарларды өндірумен және таратумен айналысатын, ауыл шаруашылығы саласын дамытатын ірі көпсалалы компания. Чарльз Герба – Аризона университетінің вирусология және экология профессоры, 500-ден астам ғылыми жарияланымның авторы. Ирина Панюшкина – доцент, ағаш сақиналары арқылы климатты зерттеумен айналысады, сонымен қатар Еуразия даласындағы экологиялық археология мен тарихи климаттық өзгерістерді зерттейді. 

Олар университетімізбен бірге су ресурстарын тиімді пайдалану және экологиялық таза технологияларды енгізуге бағытталған ғылыми жобаларды жүзеге асырады. Raduga KDR сапары қазақстандық және американдық мамандар арасындағы ғылыми ынтымақтастықты нығайту және тәжірибе алмасу жолындағы маңызды қадам болды.