Университетте профилактикалық жұмыстарды жүргізу үшін әртүрлі іс-шаралар нысандары таңдалады. Бұл жолы зияткерлік сайыста қаламыздың университет және колледж студенттері бақ сынады.
«Брейн-ринг» 6 белсенді топты жинады. Қатысушылар логикалық ойлау және шығармашылық көзқарастарын көрсете білді. Ойын кезеңдері: «Сұрақ-жауап», «Ассоциативті қатар», «Ребустар», «Антикоррупциялық меломан». Әрбір дұрыс
жауап бір ұпаймен бағаланып, дұрыс жауаптар ұпайларының қосындысы әр команданың нәтижесі болып табылады.
«Ең алдымен, сыбайлас жемқорлыққа қарсы мәдениет қағидаттарын қалыптастыратын іс-шара ұйымдастырдық. Бүгінгі жастарымыз осы мәселелерге қызығушылық танытып, қатысып отыр. Біздің университетте сыбайлас жемқорлық тәуекелдерінен қорғайтын комплаенс қызметі енгізілген. Емтихан жүйесін толығымен өзгерттік. Қозыбаев университеті ҚР Академиялық адалдық лигасының белсенді қатысушысы. Бүгінгі шара сыбайлас жемқорлыққа қарсы мәдениет мәселелерін тағы да көтеруге жақсы мүмкіндік береді деп ойлаймын»,- деді Басқарма Төрағасы – Ректор Ербол Исақаев.
Шара СҚО Сыбайлас жемқорлыққа қарсы іс-қимыл агенттігі басшысының м.а. Айдос Жүнісов бастаған департамент өкілдерінің қатысуымен өтті.
Нәтижесінде біздің студенттік команда брейн-рингтің жеңімпазы атанды! 2 орын - жоғары Солтүстік Қазақстан кәсіптік-педагогикалық колледжі. Ал СҚУ колледжінің білім алушылары 3 орынды иеленді.
Құттықтаймыз!
