Университетте алғаш рет Қазақстан халқы Ассамблеясы кафедрасы Қозыбаев университетінің Үздіксіз білім беру институтымен бірлесе отырып, Қысқы мектептің рухани-адамгершілік құндылықтарын, жастар арасындағы ұлттық бірегейлік пен қазақстандық патриотизмді қалыптастыру бойынша біліктілікті арттыру курстарын ұйымдастырды. Университет оқытушылары мен қызметкерлерінен бөлек, қаламыздың мектептері, колледждері, кітапханаларының өкілдері, СҚО ҚХА этномәдени бірлестіктерінің, «Қоғамдық Келісім» КММ белсенділері тегін негізде тыңдарман ретінде қатысады.
Екі апта бойы лекциялар, практикалық, шеберлік сабақтары, кездесулер, семинарлар мен тренингтер, диалог алаңдары күн сайын өткізіледі. Спикерлер қазіргі студент жастардың психологиялық ерекшеліктерінің, жасанды интеллект дәуіріндегі тәрбиенің, күнделікті өмірде жанжалдардың алдын алу тақырыптарын ашады. Олар әлеуметтік желілердегі іс-қимылға қарсы тұру технологияларын ұсынып, сәтті волонтерлік жобаларды құру және жүзеге асыру бойынша тәжірибе алмасады.
«Басты мақсат– аудиторияны практикалық әзірлемелермен таныстыру. Біз курс тақырыбына сәйкес инновациялық іс-шараларды өткізу тәжірибесімен бөлісе алатын, әртүрлі салалардың ең табысты өкілдерін, соның ішінде Солтүстік Қазақстан облысының аудандарынан спикерлерді шақырдық»,- деп атап өтті ҚХА кафедрасының меңгерушісі Людмила Гривенная.Курс 72 сағатқа созылып, 25 қаңтарға дейін жалғасады. Аяқталғаннан кейін барлық қатысушыларға сертификат беріледі.
