Жолдауды талқылауға арналған конференция

Инженерлік-техникалық факультеттің көлік және машина жасау кафедрасында да конференция аясында Президент Жолдауы талқыланды. Бағдарламалық құжатта ҚР-да техникалық білім беруді дамытуға, ғылымды қажет ететін өндірісті құруға ерекше көңіл бөлінген. Университетімізде 30 жылдан астам уақыт өнеркәсіп саласына арналған инженерлік кадрлар даярлауда. Бүгінгі таңда инженерлік-техникалық факультетте осы заманғы материалдық база құрылды және білікті профессорлық-оқытушылар құрамы таңдалынып алынды. 

Конференция барысында студенттер Жолдаудың маңызды жақтарын атап өтті: шәкіртақыны 25%-ға арттыру, өнеркәсіпті дамытуда мемлекеттің қызығушылығы, яғни жаңа жұмыс орындарының құрылуы, ғылымның дамуы. Алайда бұл ғана емес, мемлекетті дамытудың негізгі белгіленген мүмкіндіктері - ұзақ мерзімді, сондықтан олардың жүзеге асырылуы жас мамандардың алдында тұр.