2018 жылдың 1 қыркүйегінде жаратылыстану және ауылшаруашылық ғылымдары факультетінің қайта құрылуымен Агротехнологиялық факультеті құрылып, құрамына «Азық-түлік қауіпсіздігі» және «Агрономия және орман шаруашылығы» кафедралары кірді.
Факультет ауыл шаруашылығы бағытындағы әртүрлі салалардың бакалаврлары мен магистранттарын дайындайды.
Факультет түлектері өз қызметін ауыл шаруашылығы министрлігінің мемлекеттік мекемелерінде, сондай-ақ өсімдік және мал шаруашылығы бағытындағы ауыл шаруашылығы құрылымдарында, жобалау және ғылыми-зерттеу мекемелерінде жүзеге асыратын болады.
«Агрономия және орман шаруашылығы» кафедрасына агробиологиялық станция (Петропавл қаласынан 6 км, жалпы ауданы 6 га) бекітілді, оның базасында солтүстік-батыс ауыл және орман шаруашылығы университетімен (ҚХР) Халықаралық ынтымақтастық шеңберінде «Агротехнопарк» ашылды, онда шетелдік ғалымдармен бірлесіп ПОҚ және білім алушылардың ғылыми-зерттеу жұмыстарын ұйымдастырады, ауыл шаруашылығы мамандықтары студенттерінің оқу практикасы жүргізіледі.
Солтүстік Қазақстан ауыл шаруашылығы ғылыми-зерттеу институты және облыстың жетекші ауыл шаруашылығы құрылымдары базасында бекітілген кестеге сәйкес білім алушылардың оқу сабақтары өткізілетін Агротехнологиялық факультет кафедраларының бөлімшелері жұмыс істейді.
Факультеттің жұмыс істеуі барысында басым бағыттар: теориялық дайындықтың жоғары сапасы, аймақтың қажеттіліктерін есепке алу, оқытудың практикалық бағыты, жақын және алыс шетелдердің ұйымдары мен жоғары оқу орындарымен ынтымақтастық, сыртқы және ішкі академиялық ұтқырлықты дамыту, қос дипломды білім беру, оқытушылар мен студенттердің ғылыми-зерттеу жұмысы болды.
Оқытушылардың, магистранттардың және студенттердің ғылыми-зерттеу жұмысы ҚР АШМ, Егаѕмuѕ + халықаралық бағдарламалары мен гранттары және шаруашылық келісімшарт және бастамашылық тақырыптар шеңберінде орындалады.
ПОҚ және білім алушылар өздерінің ғылыми зерттеулері мен практикалық жұмыстарын Солтүстік Қазақстан облысының ауылшаруашылық құрылымдары: «Арқалық» ШҚ, «Мәмбетов и К» КС, «Аби-Жер» ЖШС, «Шағала Агро» ЖШС, «Леонов и К» ШҚ, «Солтүстік Қазақстан ауыл шаруашылығы институты» ЖШС, «Солтүстік Қазақстан ауыл шаруашылығы тәжірибе станциясы» ЖШС негізінде орындайды, өйткені бұл құрылымдар факультет кафедраларының әлеуметтік серіктестері және бөлімшелері болып табылады.
ЛОГО одағымен (ауыл шаруашылығы және экологиялық тепе-теңдік, Германия) және «Agros» компаниясымен (Польша) шетелдік практикалар мен білім алушылар мен ПОҚ тағылымдамаларын ұйымдастыру саласындағы ынтымақтастық тиімді іске асырылуда.