Дженни Ли – Аризона университетінің халықаралық істер бойынша вице-президенті, деканы, халықаралық білім беру саласының беделді сарапшысы .  Ол 2026 жылы Education Week журналы жариялаған Edu-Scholar Public Influence Rankings рейтингі бойынша АҚШ-тағы білім беру саласының ең ықпалды 200 ғалымы қатарына енді. Дженни Лиді шын жүректен құттықтаймыз! Бұл жоғары баға доктор Лидің білім саясаты, ғылыми зерттеулері және халықаралық білім беру саласындағы ерен еңбегін дәлелдейді. Kozybayev University үшін бұл жетістік айрықша маңызды. Біздің университет Қазақстанда микрокампус форматы бойынша АҚШ университетімен стратегиялық әріптестік орнатқан алғашқы оқу орны болып табылады. Біз The University of Arizona сияқты білім беру саласының жаһандық көшбасшыларымен ынтымақтаса жұмыс жасаймыз. Бұл әріптестік академиялық байланыстарды нығайтып, студенттер мен оқытушыларға халықаралық мүмкіндіктер ашады, сонымен қатар Қазақстандағы ғылым мен білім дамуына жаңа мүмкіндіктер береді. Доктор Дженни Лиге халықаралық білім беруді дамытуға қосқан зор үлесі, кәсібилігі және стратегиялық әріптестікті қолдағаны үшін шын жүректен алғыс білдіреміз. Жаңа жетістіктер мен жаһандық бастамаларға шабыт  тілейміз.

Осы аптада оқу ордамыздың AФ, ТӘИ және ТЭҚФ факультеттерінде AMANAT партиясының «Болашақ» филиалының қолдауымен ҚР жаңа Конституциясының жобасын талқылауға арналған кездесулер ұйымдастырылды. Іс-шара модераторы AMANAT партиясының «Болашақ» филиалының хатшысы Александр Зель конституциялық өзгерістердің маңыздылығын атап өтті: «Жаңа Конституцияның мазмұны, ұсынылып отырған бастамалары саяси жүйені жетілдіруге ықпал етеді.Сонымен қатар, білім беру жүйесі мен жастар тәрбиесінде адам құқықтары мен бостандықтарын қорғауды күшейтуге құқықтық сананы арттыруға бағытталған ». Кездесу барысында Конституцияның рөлі, азаматтық қоғамды дамыту, құқықтық мәдениет, этносаяси тұрақтылық және жастардың елдің қоғамдық-саяси өміріне қатысу мәселелері талқыланды. Спикерлер конституция жобасына енгізілетін негізгі өзгерістерге егжей-тегжейлі тоқталды.

Қозыбаев университеті «Тұқым күні-2026.Қызылжар» халықаралық конференция-көрмесінде жетістіктерін таныстырды. Конференция жұмысы тұқым шаруашылығы және агроөнеркәсіптік кешенді орнықты дамыту мәселелеріне арналған. Оған әлемнің оннан астам елінің, соның ішінде Германия, Ресей, Франция, Қытай, Австрия және басқа мемлекеттердің өкілдері қатысты. «Әрине, ауыл шаруашылығы-біздің экономикамыздың маңызды салаларының бірі. Өнімділік, климаттық жағдайларға бейімделу, бәсекеге қабілеттілік олардың сапасына тікелей байланысты. Тұқым шаруашылығын дамыту мемлекеттік аграрлық саясаттың негізгі бағыттарының бірі болып табылады», - деп атап өтті СҚО әкімі Гауез Нұрмұхамбетов. Конференция аясында агроөнеркәсіптік сектордың мамандандырылған көрмесі ұйымдастырылды. 28-ден астам қатысушы компания ауыл шаруашылығына арналған жаңа әзірлемелер мен шешімдерді: өсімдіктерді қорғау құралдары, сондай-ақ АӨК үшін цифрлық технологиялар мен шешімдер, инновациялық технологиялар, ауыл шаруашылығы техникасы мен жабдықтарын ұсынды. Қозыбаев университеті көрмеде ауыл шаруашылығы жемінің сапасын анықтауға арналған аналитикалық жабдықты (жемшөптің негізгі қоректік көрсеткіштері бойынша 26 калибрлеу), сондай-ақ сүт сапасының анализаторын ұсынды. Жабдық биыл ЖОО-да бағдарламалық-нысаналы қаржыландыру жобасын іске асыру шеңберінде сатып алынды. Сондай-ақ, университетте дәнді дақылдар сапасының көрсеткіштерін және топырақ құнарлылығының деңгейін анықтауға арналған анализаторлар бар. «Бүгін азық түлік өнімдерінің сапалық көрсеткіштерін анықтауға арналған үлкен анализатор жабдығын таныстырамыз. Бұл құрал жалпы ауыл шаруашылық дақылдарының сапасын аз уақыттың ішінде анықтауға мүмкіндік береді. Негізі бұл жабдықтарға ауылшаруашылығы қызметкерлері, кәсіпкерлер қызығушылық танытып отыр. Сондай-ақ, анализаторлар облысымыздағы фермерлерге де үлкен септігін тигізедіе»,-деді «Агрономия және орман шаруашылығы» кафедрасының меңгерушісі Фариза Муканова Жоғары оқу орнымыз 10 жылдан астам уақыт ауыл шаруашылығы саласындағы мамандарды даярлайды. Іс-шарада кәсіпкерлер, кәсіпорын басшылары мен қызметкерлер көрмеге қатысып, жоспарларымен бөлісті. Біз түлектеріміздің жетістіктеріне әрқашан қуанамыз, ынтымақтастыққа және өңірдің АӨК дамыту бойынша қарқынды жұмысқа дайынбыз!

Ш. Уәлиханов ат. Көкшетау университетінде халықаралық Erasmus+ DIANA жобасының «Қазақстан мен Өзбекстанда ауыл туризмі саласындағы кәсіпкерлікті дамыту және іске асыру арқылы әйелдердің құқықтары мен мүмкіндіктерін кеңейту» атты алғашқы кездесуі  өтті. Ш.Уәлиханов атындағы Көкшетау университеті осы жобаның грант иегері  және жалпы басқаруды қамтамасыз етеді. Қозыбаев университетінің – география және экология кафедрасы жетекші рөл атқаратын «Сапа жоспары: бағалау және жақсарту» жұмыс пакетін іске асыруға жауапты негізгі серіктестердің бірі болып табылады. DIANA жобасы (2025-2028 жж.) ауылдық туризм саласындағы кәсіпкерлікті дамыту арқылы Қазақстан мен Өзбекстанның ауылдық өңірлеріндегі әйелдердің мүмкіндіктерін  қолдайды. Жоба білім беру шешімдерін жаңартуға және енгізуге, практикалық дағдыларды дамытуға және университеттердің жергілікті және бизнес қауымдастықпен ынтымақтастығын нығайтуға бағытталған. Кездесуде жобаның ресми іске қосылуы, DIANA мақсаттарының, басқару құрылымының және жұмыс пакеттерінің таныстырылымы өтті. Кейін қатысушылар нәтижелерді тарату стратегиясын талқылап, ұйымдастырушылық мәселелерді үйлестіру үшін жұмыс кездесуін өткізді. Аталған іс-шараға Қазақстан, Өзбекстан, Португалия және Германия жоғары оқу орындары мен ұйымдарының өкілдері қатысты. Келесі кездесу Портукаленсе университетінде (Португалия) өтеді, онда туризм және әйелдер кәсіпкерлігі саласындағы кадрларды даярлаудың негізгі құзыреттіліктерін анықтау үшін  сауалнама жүргізу және сұхбат беру бойынша қорытындылар шығарылады. Ауылдық туризм саласындағы жетекші еуропалық сарапшылардың қатысуымен семинарлар мен тренингтер өткізілетін болады. Фотосуреттерді Ualikhanov University Баспасөз қызметі ұсынды

Аризона университетімен бірлескен қос дипломдық бағдарлама бойынша оқитын 29 студент бір семестрді АҚШ-та сәтті аяқтап, елге оралды. Бүгін білім алушылар жоғары оқу орнының басшылығымен, студенттерімен,оқытушылық құраммен, сондай-ақ қала оқушыларымен, жұмыс берушілермен кездесті. Балалар халықаралық ортада бейімделіп, Америкада оқудан алған әсерлерімен бөлісті. «Аризона университеті АҚШ-тың топ-50 жоғары оқу орындарының қатарына кіреді және әлемде 102-ші орында. Aл Тусон қаласының едәуір бөлігін кампус алып жатыр. Біз 50 сағат және 18,5 мың шақырым жерді жүріп өттік. Білім алушылар үшін бұл үлкен тәжірибе. Біз зерттеулер жүргізіп қана қоймай, саяхаттадық»,- деп бөлісті 4 курс студенті Амир Агзамов. ЖОО 2022 жылы ҚР Президентінің елімізде жетекші шетелдік жоғары оқу орындарының филиалдарын ашу жөніндегі тапсырмасын іске асыруды бастаған алғашқы Қазақстандық университет болды. Осы уақыт ішінде Аризона университетімен ынтымақтастық жобасы өзінің тиімділігін дәлелдеді. Бүгінде 5 қос дипломды және 11 бірлескен білім беру бағдарламалары бойынша Қазақстан, АҚШ, Ресей, Қытай және басқа да елдерден шамамен 1200 студент білім алады. Қос диплом бағдарламасының студенттері гранттар арқылы (Қазақстан студенттері үшін) толық ағылшын тілінде оқиды. Оқу бағдарламасына сәйкес бір семестр Тусон қаласындағы Аризона университетінің негізгі кампусында өткізіледі. Білім беру үдерісіне байланысты барлық оқу шығындары Қозыбаев университетінің есебінен қамтылды. Бұл қаржылық қолдау студенттерге оқуға, ғылыми және жобалық қызметке, сондай-ақ академиялық және мәдени ортаға сәтті бейімделуге толық көңіл бөлуге мүмкіндік берді. Студенттер білім беру бағдарламаларына сәйкес екі топқа бөлінді: 20 адам IT бағыты («Басқарудағы ақпараттық жүйелер») бойынша, қалғандары «Биотехнология» бағдарламасы бойынша оқыды. Шара барысында Басқарма Төрағасы– Ректор Ербол Исақаев семестрді сәтті аяқтаған білім алушыларды құттықтады:   «Аризона университетінің негізгі кампусында оқу арқылы академиялық, жеке тұлғалық және ұйымдастырушылық қабілеттеріңді жетілдіресіздер. Біздің алғашқы студенттер бұл сынақтан лайықты өтті. Балалар басқа академиялық ортада білім алды. Олар заманауи университеттік қызметпен, зерттеу инфрақұрылымымен, кәсіби мәдениетті зерделеді. Оқуда да, болашақ мансапта да нақты нәтиже көрсететін тәжірибе жинады. Study Arizona- бұл білім сапасын  жоғары деңгейге жетелейтін көрсеткіш. Біздің студенттер, бағдарламаның нақты халықаралық тәжірибесінің нәтижесін дәлелдеді!»

Sensitive би театры Түркияның Стамбул қаласында өткен халықаралық ART-фестивалінде тамаша өнер көрсетті.  Құттықтаймыз! Би тобының 10 қатысушысы, оның ішінде жетекшісі Ольга Ростовщикова — Қозыбаев университетінің музыкалық пәндер кафедрасының студенттері. Ұжым біздің еліміз бен облысымызды Халықаралық сахнада таныстырып, Супер Гран-при, 2 Гран-при және 1  бірінші орынды жеңіп алды! Әрине бұл қажырлы еңбек пен шығармашылық дарындылықтың нәтижесі! Біз әрқашан осы ұжымның жетістіктеріне шын жүректен қуанамыз! Сонымен қатар бишілер тәлімгердің өнерге деген табандылығы мен сүйіспеншілігінің арқасында жеңіске жетті. «Sensitive» би театрына шабыт, батыл шығармашылық идеялар мен жаңа жетістіктер тілейміз! Алда лайықты марапаттарыңыз көп болсын!

Қозыбаев университетіне бір ай көлемінде жұмыс сапарымен экономика және өңірлік даму саласындағы белгілі ғалым, Азор аралдары университетінің (Португалия) өкілі, профессоры Томаш Понси Дентиньо, ҚР ҒЖБМ қолдауымен іске асырылатын шетелдік ғалымдарды тарту бағдарламасы аясында келіп отыр. Сапар барысында профессор Томаш Понси Дентиньо «Экономика, есеп және қаржы» кафедрасының білім алушыларына арналған дәрістер мен практикалық сабақтар топтамасын, сондай-ақ ғылыми-әдістемелік семинарлар сериясын өткізеді. «Бізде экономика кафедрасы өте белсенді. Биыл біз стратегиялық серіктесіміз – Аризона университетімен бірлесіп «Бизнес және менеджмент» қос дипломды бағдарламасын іске қосамыз. Бізді мықты оқытушылар құрамы қызықтырады. Сондықтан сіздерді және әріптестеріңізді-экономика және бизнес саласында біздің командаға қосылуға шақырамыз», – деді Басқарма Төрағасы-Ректор Ербол Исақаев. Профессор Дентиньо Қазақстанға осымен  3 рет келгенін атап өтті. Бірақ Петропавл қаласына алғашқы сапары екен. Екі университет ынтымақтастығына ризашылығын білдірді. Тіпті, кейбір студенттермен танысып үлгеріпті. Педагогикалық қызметтен басқа, жас оқытушылар мен зерттеушілерді бірегей ғылыми ізденістер жүргізуге тарту, халықаралық гранттық бағдарламалар мен ғылыми жобаларға қатысу мәселелеріне ерекше назар аударылатын болады. Сапар аясында ғылыми-зерттеу қызметінің өзекті бағыттары мен жоғары білім берудің заманауи мәселелері бойынша семинарлар, дөңгелек үстелдер мен ашық дәрістер жоспарланған. Сонымен қатар, профессор нөлдік емес импакт-факторы бар қазақстандық және шетелдік басылымдарда ғылыми мақалаларды дайындауға және жариялауға көмек көрсетеді. Университеттің ПО құрамы мен қызметкерлерінің біліктілігін арттыру бойынша іс-шаралар жоспарланған. Шетелдік ғалымның сапары халықаралық академиялық  және ғылыми ынтымақтастықты нығайтудағы маңызды қадам болмақ.

«Заң мен тәртіп» идеологиясы аясында ұйымдастырылған Халықаралық студенттер мен магистранттарға арналған спорт лигасы аяқталды. Жарыстар спорттың  4 түрінен өтті: үстел теннисі, шахмат, волейбол және баскетбол. Барлығы 50-ден астам адам қатысты. Шахматтан жеке біріншілікте Ислам Каримов, ИСУ (US)-24-2a тобы (Халықаралық кампус командасы) және Айгерм Таласпаева, УиA-24 тобы (ТЭҚФ командасы) жеңіске жетті. Волейбол жарысында ТЭҚФ командасы бірінші орын алды. Баскетбол 3x3 сайысында Халықаралық кампус командасы алтын медаль жеңіп алды. Ал Қуанбай Самғат, ИСУ-25-2 тобы, ең үздік ойыншы атанды. Жеңімпаздар мен жүлдегерлерді құттықтаймыз! Белсенді қатысқан студенттерге алғыс айтамыз!

ҚР ҒЖБМ  ғылым және жоғары білім саласындағы сапаны қамтамасыз ету комитеті «Ауыл, орман және балық шаруашылығы» бағыты бойынша «қауымдастырылған профессор (доцент)»ғылыми атағын Наталья Малицкаяға берді. Наталья Владимировна-ауыл шаруашылығы ғылымдарының кандидаты. Ол университетіміздің Агротехнологиялық факультетінде 10 жылға жуық сабақ береді. «Основные приемы возделывания горца забайкальского на корм в засушливых условиях Северного Казахстана» тақырыбында диссертация қорғады. Наталья Владимировнаның ғылыми жұмысы біздің өңіріміз үшін өте өзекті ,далалық және шалғындық жем-шөп өндіру саласында жүргізіледі. Жем-шөп дақылдары үшін тұқым өсірудің экологиялық технологиясын жетілдіру мәселелеріне баса назар аударылады. Сондай-ақ қосымша зерттеумен айналысады: «шалғындық қауымдастық құру, консервіленген жем өндіру үшін конвейерде шикізатты пайдалану». Наталья Малицкаяға ғылыми және педагогикалық қызметте одан әрі табыс тілейміз!

«Таза Қазақстан» жалпыұлттық науқанының негізгі қағидаттарына сәйкес, Қозыбаев университеті Дармарка экологиялық жәрмеңкесін өткізді. Акция «StopMusor» әлеуметтік жобасы аясында  «Amanat» партиясының «Болашақ» филиалының қолдауымен Қазақстанның экологиялық ұйымдарының қауымдастығымен бірлесіп ұйымдастырылды. Дармаркаға қала тұрғындары пайдалы заттарын тегін әкелді. Бұл заттарды қайта пайдалануға, қалдықтарды азайтуға және табиғи ресурстарды қорғауға ықпал ететін экологиялық таза алаң. Шараға студенттер, еріктілер, оқытушылар, университет қызметкерлері, сондай-ақ қаланың алты мектебінен, лицей және гимназиядан шамамен 120 оқушы, мұғалімдер белсенді қатысты. Дармаркаға не әкелінді? - Таза, киюге жарамды киім; - Кітаптар (жыртылмаған); - Ойыншықтар (таза, сынбаған) және т.б. Науқанда сандармен белгіленген пластикалық бөтелкелер де жиналды.( PET,HDPE). «ЖОО-да бұл науқанды География және экология кафедрасы екінші жыл өткізіп келеді. Әкелінген заттарды алмастыруға болады. Соңғы күні  қалған заттарды жинап, оны мұқтаж қоғамдық ұйымдарға жеткіземіз. Ал пластикті қайта өңдеу үшін Raduga KDR-ге тапсырамыз»,- деді география және экология кафедрасының доценті Асель Бектемирова. «Дармарка» 27-30 қаңтар аралығында сағат 10:00-ден 15:00-ге дейін Оқу зертханалық корпуста өтеді. Қатысыңыздар!