Педагогикалық бағыттағы білім беру бағдарламаларын таңдаған түсуші талапкерлерге

Педагогикалық бағыттағы білім беру бағдарламаларына табысты түсудің негізгі кезеңдері мынадай қадамдарды қамтиды:

1-қадам. Арнайы емтихан тапсыру - педагогикалық салада табысты мансапқа қажетті біліміңіз бен дағдыларыңызды өлшеуге мүмкіндік береді.

2-қадам. Грант байқауына қатысу - сізді қаржылық қолдаумен қамтамасыз ете алады, өз кезегінде бұл сіздің оқуыңызды қолжетімді етеді.

3-қадам. Таңдалған білім беру бағдарламасына қабылдау - сіздің педагогикалық біліміңізге жаңа тәжірибе мен мүмкіндіктерге толы жол ашады.

Барлық кезеңдер назар аударуды, мұқият дайындықты және мотивацияны қажет етеді, олар сіздің болашақ педагогикалық мансабыңызға есік ашады. Дайындық және барлық жолдан өтуге деген ұмтылыс - сіздің педагогикалық саладағы болашағыңыздың негізі.

«Педагогикалық ғылымдар» білім беру саласының білім беру бағдарламаларына түсуші талапкерлер қабылдау комиссиясы қабылдайтын арнайы емтихан тапсырады. 

Педагогикалық бағыттағы білім беру бағдарламаларына түсу үшін өтініштерді қабылдауды және арнайы емтихан өткізуді Қабылдау комиссиясы 20 маусым мен 24 тамыз аралығында Петропавл қ., Жұмабаев к-сі, 114, №6 оқу корпусы, 118 ауд. мекенжайы бойынша, сағат 9.00 - ден 18.00-ге дейін жүргізеді, құжаттарды қабылдау кезеңінде - демалыс күндерінсіз. Анықтама телефоны: 8 (7152) 493037.

«Педагогикалық ғылымдар» білім беру салалары бойынша университетке түсетін тұлғалар үшін Қазақстан тарихы, математикалық сауаттылық, оқу сауаттылығы (оқыту тілі), екі бейіндік пән бойынша балдар ескеріледі.

Қысқартылған оқу мерзімдерін көздейтін жоғары білім кадрларын даярлаудың ұқсас бағыттары бойынша «Педагогикалық ғылымдар» білім беру салалары бойынша ЖЖОКБҰ-ға түсетін адамдар үшін ақылы негізде ЖЖОКБҰ-ға түсушілерді қоспағанда, жалпы кәсіптік және арнайы пәндер бойынша балдар ескеріледі.

Арнайы дайындықты талап ететін М. Қозыбаев атындағы СҚУ білім беру бағдарламалары:

• 6В01101 Педагогика және психология 
• 6В01201 Мектепке дейінгі оқыту және тәрбиелеу 
• 6В01301 Бастауыш оқытудың педагогикасы мен әдістемесі
• 6В01401 Дене шынықтыру және спорт (! шығармашылық емтихандарды да тапсыру қажет)
• 6В01404 Дене шынықтыру және алғашқы әскери дайындық (! шығармашылық емтихандарды да тапсыру қажет)
• 6B01402 Музыкалық білім (! шығармашылық емтихандарды да тапсыру қажет)
• 6В01509 Математика-физика
• 6В01508 Математика-информатика
• 6В01511 Химия-биология
• 6В01505 Биология
• 6В01506 География
• 6В01601 Тарих
• 6В01703 Қазақ тілі мен әдебиеті 
• 6В01702 Орыс тілі мен әдебиеті 
• 6В01701 Шет тілі: екі шет тілі
• 6В01801 Әлеуметтік педагогика және өзін-өзі тану
• 6В01906 Арнайы педагогика 

Арнайы емтихан өткізу нысаны: педагогикалық жағдай.

Емтихан кестесі 2024

Арнайы емтихан бағдарламасы 2024

«Педагогикалық ғылымдар» білім беру саласы бойынша оқуға түсушілерге арналған арнайы емтихан «қабылдау» немесе «қабылдамау» нысанында бағаланады.

Арнайы емтиханның нәтижелері оқуға түсушілердің назарына емтиханнан кейін немесе емтихан өткізілетін күні сайттағы ақпарат арқылы жеткізіледі.

Арнайы емтихан нәтижелерін апелляциялауға өтінішті қабылдау комиссиясына арнайы немесе шығармашылық емтихан тапсырған адам апелляциялық комиссия төрағасының атына жеке өзі береді. Өтініштер арнайы немесе шығармашылық емтихан нәтижелері жарияланғаннан кейін келесі күні сағат 13-ке дейін қабылданады және апелляциялық комиссия бір күн ішінде қарайды.

«Педагогикалық ғылымдар» білім беру салалары бойынша арнайы емтихандардың нәтижелері бойынша оқуға түсушіге арнайы емтиханды тапсыру орнына қарамастан университетке ұсыну үшін Анықтама беріледі.

М. Қозыбаев атындағы СҚУ 2022 - 2023 оқу жылына арналған білім беру бағдарламаларының педагогикалық топтары бойынша жоғары білімі бар кадрларды даярлауға мемлекеттік білім беру тапсырысы

Грантқа өтініш беру туралы толығырақ

Қабылдау туралы толығырақ